Bakgrunn, mål og visjon

Målet med Fosshaugane Campus var å skape det beste utviklingsmiljøet i Noreg ved å:

• gje ungdom og vaksne lyst til å lære av kvarandre
• gje regionen lyst til utvikling
• å gjere entreprenøskap til ein kjerneverdi
• fokusere på framtida til fylket
• å fokusere på næringsvit

Samspelet er nøkkelen

Dette skal vi klare ved å byggje vidare på samspelet mellom intellektuell og sosial utvikling, mellom entreprenørskap og ungdommeleg pågangsmot, mellom det profesjonelle og det frivillige.

Lokala

Ein føresetnad for å lukkast var å etablere tenlege lokalar som som fremjar samspel gjennom høg kvalitet på teknisk infrastruktur. Slik sparar vi ressursar gjennom samdrift, og vi satsar på arkitektur som fremjar konkurranseevna i høve andre i kampen om studentar, kompetente arbeidstakarar, etablerarar og andre brukargrupper.

Smeltedigelen

Samlokalisering av idrett, undervisning og forskning har gitt inspirasjon til nye aktivitetar og nye bedrifter. Kombinasjonen av idrett, mosjon, fysisk fostring, helse og IKT har eit stort potensial for næringsutvikling. Fosshaugane Campus har utvikla seg til å bli eit skapande og dynamisk miljø der idear ynglar og initiativa raskt blir sette ut i livet.